ಕ.ರಾ.ರ.ಸಾ.ನಿ.ದ ಇತಿಹಾಸ
ಸದೃಢ, ಸುರಕ್ಷಿತ ಮತ್ತು ಆರಾಮದಾಯಕ ಸಾರಿಗೆ ಸೌಕರ್ಯದ ಲಭ್ಯತೆಯು ಯಾವುದೇ ದೇಶದ ಆರ್ಥಿಕ ಪ್ರಗತಿಯ ಪ್ರಮುಖ ದಿಕ್ಸೂಚಿಯಾಗಿರುತ್ತದೆ. ಅಭಿವೃದ್ಧಿಶೀಲ ಸಮಾಜದಲ್ಲಿ ದೂರದ ಪ್ರದೇಶಗಳಿಗೆ ಸಂಪರ್ಕ ಒದಗಿಸುವ ಅತಿ ಮುಖ್ಯ ಮಾಧ್ಯಮವಾಗಿ ಸಾರ್ವಜನಿಕ ರಸ್ತೆ ಸಾರಿಗೆಯು ಕಾರ್ಯ ನಿರ್ವಹಿಸುತ್ತದೆ. ಈ ನಿಟ್ಟಿನಲ್ಲಿ, ಪ್ರಯಾಣಿಕರಿಗೆ " ಸಮೃಧ್ಧ, ಸಮರ್ಥ, ಮಿತವ್ಯಯಕಾರಿ ಹಾಗೂ ಸುಸಜ್ಜಿತ ರಸ್ತೆ ಸಾರಿಗೆ ಸೌಕರ್ಯ" ಗಳನ್ನು ಒದಗಿಸುವ ಉದ್ದೇಶದಿಂದ, ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮವು , ರಸ್ತೆ ಸಾರಿಗೆ ನಿಗಮ ಕಾಯಿದೆ 1950 ರ ಅಡಿಯಲ್ಲಿ, ಆಗಸ್ಟ್, 1961 ರಲ್ಲಿ ಸ್ಥಾಪಿತವಾಯಿತು. ಈ ಪ್ರಯತ್ನದಲ್ಲಿ ಯಶ ಸಾಧಿಸಿದ ಕ.ರಾ.ರ.ಸಾ.ನಿಗಮವು ವಿಶ್ವಾಸಾರ್ಹತೆ ಮತ್ತು ಸುರಕ್ಷತೆಗಾಗಿ ಹೆಸರುವಾಸಿಯಾಗಿದೆ ಹಾಗೂ ಜನ-ಮನದಲ್ಲಿ ತನ್ನದೇ ಆದ ಸ್ಥಾನವನ್ನು ಹೊಂದಿದೆ.
ಕಾಲ ಕ್ರಮೇಣ, ಪ್ರಾದೇಶಿಕ ಆಧಾರದ ಮೇಲೆ ಸುಲಲಿತ ಆಡಳಿತಕ್ಕಾಗಿ ಈ ಕೆಳಕಂಡ ಮೂರು ಅಂಗ ಸಂಸ್ಥೆಗಳು ರೂಪಿಸಲ್ಪಟ್ಟವು:
ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆ, ಬೆಂಗಳೂರು 15-08-1997 ರಿಂದ ಸ್ಥಾಪಿತವಾಗಿರುತ್ತದೆ,
ವಾಯವ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆ, ಹುಬ್ಬಳ್ಳಿ 01-11-1997 ರಿಂದ ಸ್ಥಾಪಿತವಾಗಿರುತ್ತದೆ ಹಾಗೂ
ಈಶಾನ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆ, ಗುಲ್ಬರ್ಗ 01-10-2000 ದಿಂದ ಸ್ಥಾಪಿತವಾಗಿರುತ್ತದೆ.
ಮರು-ರೂಪಿತ ರಾಜ್ಯ ಸಾರಿಗೆ ಉದ್ಯಮದ (STU) ಕಾರ್ಯ ನಿರ್ವಹಣೆ:
